Ouverture officielle des plages d'Ajaccio
(A redazzioni d'Alta Frequenza) - S'hè alzata a bandera verdi sabbatu à 11 ori annant'à i piaghji aiaccini, in tutti i casi annant'à i setti siti gistiti da a cità d'Aiacciu. Vi ramintaremi, è pà u piacè u nomu di ssi piaghji : Ricantu, San Francescu, Trottel, Marinella, Vignola, Sevani è Sant'Antone. Ci voli à pricisà chì quist'annu, a survighjenza si farà da ondeci ori è mezu fin'è setti ori di sera. Ramintemi dinò chì 27 maestri nutadori è salvatori, tutti diplumati di Statu ben intesu, assicurarani a survighjenza di ssi posti. Dusci, cabineti, pulizia ogni ghjornu, dispusitivu pà i parsoni chì soffrini di un handicap, era impussibuli di pinsà à tuttu què torna calchì annu fà, ma hè divintatu oramai a norma inde tutti ssi stazioni turistichi chì rivindicheghjani ssu titulu. C'hè nisun innuvazioni maiò quist'annu à u nivellu di a pulitica di i piaghji pà a cità d'Aiacciu, ma picculi mudifichi quì o culà pà migliurà u cunfortu è l'accolta di i piaghji aiaccini.
Steti à senta à Nathalie Ruggeri, aghjunta à u merri in carica di l'ambienti.
