Ordures ménagères : toujours l'impasse...
(A redazzioni d'Alta Frequenza) - A situazioni hè sempri bluccata ! Eccu com’ellu si pò riassuma u risultatu di a riunioni chì hè stata urganizata arimani dopu meziornu (marcuri) in fin di ghjurnata in A Ghisunaccia da u presidenti di u Syvadec, dopu a sarratura di u ruminzulaghju di Tallone. Merri numarosi ghjunti da a Corsica sana ani rispostu à l’invitu di François Tatti pà truvà una suluzioni è un locu pà pona i rumenzuli racolti. I prifetti di Corsica, chì ani presu arresti pà mandà quissi quì ind’i trè altri ruminzulaghji di l’isula, vali à dì Prunelli di Fium’Orbu, Vighjanellu è Vicu, s’upponini à a resistenza di l’eletti lucali è di a pupulazioni chì ùn volini micca ssi rumenzuli annant’à i so cumuni. Hè particularmenti vera in Prunelli, induva a Sucità di Trattamentu di i Rumenzuli Corsi ferma bluccata. Picculu puntu pusitivu : Vighjanellu accetta d’accoglia 5 000 tunnellati di rumenzuli duranti 4 mesi à u più, pruvisoriu dunqua. Tuttu u mondu aspetta oramai una vera suluzioni in u tempu…
Sur le même sujet
