Opération vacances tranquilles en Corse
(A redazzioni d'Alta Frequenza) - L'uparazioni interministiriali vacanzi, battizata quist'annu "Vacances tranquilles" hè stata prisintata stamani (marcuri) da u prifettu di Corsica. Tutti i servizii di u Statu tocchi da luntanu o da vicinu da l'attività turistichi, è sò numarosi, sò mubilizati da fà di manera chì iss'istati 2012 si passessi u meghju pussibuli, o in tutti i casi u menu mali pussibuli. È, s'è a ci pudemi pametta, ci hè da chì fà parchì chì ci voli à sradicà à tempu - i falsi prudutti corsi - i prudutti trapassati - i prufessiunali chì ùn sò micca daveru prufessiunali - a ghjenti chì appighjuneghjani alloghji ma chì quì dinò sò di poca cunfidenza - i jetski troppu vicinu da i piaghji - i sirati assai alculizati, o ancu di più, a sera nant'à i piaghji - senza scurdà si di i picculi arrubecci è u rumori disturbanti di notti tempu. È a lista ùn hè micca sana quì ! Par ciò, u Statu hà da mubilizà solu in Corsica Suttana 140 gendarmi mubili - 14 maestri à nutà - una brigada VTT da securizà i parkings è i piaghji è cinqui mezi nautichi. 14 riservisti di a gendarmeria rializarani dinò misisoni di survighjenza è di privenzioni.
Synthèse d'une opération très complexe avec Patrick Strozda, préfet de Corse.
Sur le même sujet
