Opération escargot de la FDSEA de Haute-Corse qui rejoint la grogne des agriculteurs
Marti matina, a circulazioni trà u Viscuvatu è a prifittura llu Cismonti, in Bastia, hè stata disturbata da a FDSEA. Chjamata cù malizia uparazioni cuppulata d’Hermann, si tratta chivi di a prima manifistazioni di scuntintezza di l’agricultori corsi, l’affari issendu si aghjà avviatu in francia è in Auropa.
Circa vinti ardigni agriculi ani presu a strada, mittindu più di un’ora è mezu par ghjunghja in prifittura.
Sò impurtanti, i rimprovari purtati da a FDSEA.
Trà quissi, ci hè a critica d’una pulitica agricula cumuna pocu adatta, o ancu di i tanti normi accatamansati chì cumplichighjani u mistieri di l’agricultori.
In Corsica, issendu in un’isula, issi pinsera si facini più grevi.
Moltu più chì à senta ni a FDSEA, ci voli ancu à goda si u « razzismu » di certi urganismi di cuntrollu chì, à parè soiu, l’agricultori corsi sariani più trafunchjuli chè l’altri.
Steti à senta à Joseph Colombani, u prisidenti di a FDSEA di u Cismonti.
Sur le même sujet
