Olivier de Germay, nouvel évêque de Corse
(A redazzioni d'Alta Frequenza) - Hè oramai ufficiali, Olivier de Germay hè u novu vescu d'Aiacciu. Vicariu viscuvali incaricatu di l'accumpagnamentu di i banlieues di Toulouse, iss'anzianu militari pighja dunqua a seguita di Monsignori Jean-Luc Brunin. A so numinazioni in Corsica hè stata prununiziata oghji (marcuri) da Binidettu XVI. Natu in u 1960, Olivier de Germay, dopu à una furmazioni militari è un diploma d'inginiori di a Scola Spiciali Militari di Saint-Cyr, hà participatu dinò à a prima guerra di u golfu ind'u Koweit. Hà cuntinuatu dopu studii di teulugia, in Toulouse eppo in Roma, fin'è à uttena una licenza in teulugia murali.
