Le Direct

Octobre Rose : entre prévention et actions, la Ligue contre Cancer 2A se réinvente en pleine crise sanitaire

Cù a crisa sanitaria, o parvia d’idda, sò calati bè i visticheri llu cancaru llu pettu.

Issu cancaru hè unu di i più firoci pà i donni, ma una vistichera fatta à tempu pò salvà una vita. Simplicia, rimbursata à 100 %, issa vistichera devi essa fatta ugni dui anni, passati i 50 anni.

Ugni annu, l’uparazioni «Octobre Rose» ghjova à sinsibilizà i donni, ch’iddi vichini a impurtanza d’issa vistichera. Ma «Octobre Rose», pà u cumitatu llu Pumonti di a Liga contru à u cancaru, ghjova dinò à accodda solda à prò di a privinzioni, di l’aiutu à i malati è di a ricirca.

Quist’annu, parvia di a crisa llu Covid, tutti i manifistazioni ùn si sò pussuti fà, è à i riprisintenti lla Liga, li ci hè vulsutu una bedda poca d’imaginazioni da mantena calchì azzioni.

Steti à senta à Sauveur Merlenghi, u prisidenti lla Liga contru à u cancaru 2A.