Nuisances sonores autour de la BA de Solenzara : la réponse du gouvernement
Photo Facebook Axelle Lemaire
(A redazzioni d'Alta Frequenza) - Ci sò i discussioni ma cuntinuemi ! Hè cusì ch'è no pudemi intarprità a risposta di u ministeru di a Difesa dopu à l'intarrugazioni di Paul Giacobbi a sittimana scorsa à l'Assemblea naziunali. Hà interpellatu u ministru nant'à i prublemi liati à u rimori pà l'abitanti in u circondu di a basa di A Sulinzara. Tiri di missili, bumbardamenti, è què fin'è a mità di u mesi di ghjunghju, u troppu stroppia soca in ssu rughjonu chì rigretta propiu chì a cuncertazioni missa in ballu dipoi anni è anni ùn ci la fessi più à falla finita cù ssi prublemi. Axelle Lemaire hè, s'è no a ci pudimi parmetta, cullata à u fronti pà risponda à a piazza di Jean Yves Le Drian. Par ella, a campagna di tira chì era bè privista trà u 7 è u 25 di marzu hà fattu l'ughjettu "di una revisioni d'attività". Ùn priciseghja micca i dati di a fini di ss'attività, ma ssa campagna duraria fin'è a mità di u mesi di ghjunghju. A secretaria di Statu incalca assai torna nant'à a cuncertazioni nicissaria, ma ramenta dinò a necessità di ss'uparazioni, ciò chì ùn laca micca troppu speri cuncirnendu una fini di i tiri nanzi à u principiu di a statina.
Steti à senta à Axelle Lemaire.
Sur le même sujet
