Nouvelle tentative d'assassinat contre Olivier Sisti
(A redazzioni d'Alta Frequenza) - Olivier Sisti hè statu vittima di una nova prova d'assassiniu, stamani (luni) prestu, mentri ch'ellu era ind'a so stanza d'uspidali in Bastia. I fatti sò accaduti versu 4 ori di mani inde l'uspidali di Falcunaghja. Unu o dui tiradori in motò, ani sparatu nant'à a vittima, à traversu à i vetri di a stanza duva elli c'erani dui pulizzeri in guardia. Olivier Sisti hè statu toccu parechji volti. Sicondu u prucuratori di a Republica di Corsica Suprana, saria ind'un statu gravissimu. Rammintemi chì Olivier Sisti era statu dighjà vittima di una prova d'umicidiu u 21 di maghju scorsu in Aleria. Era uspitalizatu da tandu. A vigilia, u so risturanti di piaghja, la Bahia, era statu brusgiatu. D'uttrovi di u 2010, tiradori aviani pruvatu à tumbà lu dinò. A sizzioni di ricerchi di a gendarmeria di Bastia hè stata incaricata di l'inchiesta.
Sur le même sujet
