Nouvelle séance de questions orales, d'analyse de rapports et de motions à l'Assemblée de Corse
(A redazzioni d’Alta Frequenza) - Quistioni urali dipoi stamani (ghjovi) à l'Assemblea di Corsica, nanzi à l'analisi di i raporti è di i muzioni issu dopu meziornu è dumani. Parechji temi sò stati trattati com'è a securità di i cunduttori di motò o u rinnovu di a cintrali di Lucciana (veda altrò). Altri quistioni di primura, a missa in ballu di l'assisi di l'accessu à i curi. Josette Risterucci, pà u gruppu cumunistu, voli ch'elli spuntessini issi dibattiti più cà utili, chì ùn ani mancu appena pà scopu di disturbà u Schema Righjunali di Saluta di l'ARS, ma bè di cumplettà a dimarchja. L'eletta pruponi di metta a priurità pà issi travaghji nant'à l'ufferta di curi, l'educazioni è a privenzioni, è u rispettu di i diritti di l'usadori. Altru timori, quillu di Josepha Giacometti, nant'à i prublemi inde l'insignamentu bislinguu. Infini, Véronique Sciaretti, di u gruppu Corsica Libera voli chì l'Esecutivu dessi u so parè nant'à "l'arrigulamentu puliticu di a crisa". Avvicinamentu di i prighjuneri, situazioni di i ditenuti di Borgu chì impeghjurisci, o ancu a situazioni di a criminulugia in Corsica, l'eletta naziunalista hà dumandatu di modu chjaru à u presidenti di l'Esecutivu cosa erani i dimarchji ch'ellu pudaria ingaghjà "da sbuccà nant'à una situazioni nurmali".
