Nouvelle phase de transport des moteurs de la centrale de Lucciana
(A redazzioni d'Alta Frequenza) - Una marcanzia assai particulari, trè mutori è quattru alternatori pà a cintrali di Lucciana sarani traspurtati tutti i seri da stasera (luni) fin'è marcuri. Issi mutori è i so alternatori raprisentani un trasportu stradali eccezziunali di parechji centunaii di tonni, è dunqua difficiuli à gistiscia. Quissu quì inghjinnarà disturbi soprattuttu in Bastia ind'i sirati è ind'i notti cuncirnati, cù frà altru prublemi di staziunamentu è di circulazioni dighjà scelti dipoi parechji ghjorni, postu chì issi mutori è alternatori passarani pà u cori di a cità nanzi di pighjà a strada naziunali, fora di dumani à sera duva ellu pudarà francà u tunnellu di modu eccezziunali.
