Le Direct

Nouvelle permanence pour travail de relance chez les Républicains en Haute-Corse

(A ridazzioni d'Alta Frequenza) -I capizzoni lla dritta llu cismonti ùn andarani più in lu so lucali storicu llu viali Sebastiani. Oramai, a so strada, a farani à parta si da u carrughju Luce de Casabianca, in un lucali ch’innanzi era quiddu lla fidirazioni dipartimintali llu partitu sucialistu. Hè da nutà a prisenza, pà iss’inaugurazioni di u novu lucali di « Les Républicains », di Marie-Thérèse Mariotti, cunsigliera tarrituriali in lu gruppu di Jean-Martin Mondoloni è adirenti llu partitu di dritta.Un cambiamentu di lucali chì dici dinò un cambiamentu d’usi : s’idd’hè sempri Stéphanie Grimaldi a prisidenti di « les Républicains » in Cismonti, d’altri noma s’affaccani da piddà rispunsabilità. Hè cussì chì u merri di San’Ghjulianu, François-Xavier Ceccoli, hè oramai sicritariu ginirali llu partitu pà u cismonti. À senta lu, hè ora pà a dritta di dà si di mani pà una ricunquista, forsa fendu una fidirazioni righjunali unica in li prossimi mesa.

U stemu à senta