Nouvelle évasion au centre de détention de Casabianda
(A ridazzioni d'Alta Frequenza) - Si riparla, issu marcuri, di u centru di ditinzioni lla Casabianda. Dopu à a mancanza à l’appellu d’un prighjuneri, ch’hè statu trovu mortu qualchì ghjornu fà, ci hè statu un’altra fughjita, in stu principiu di sittimana. Un omu, di circa trent’anni, ùn hè vultatu à u centru dopu à una pirmissioni. Era imprighjunatu da purgà parichji peni, sintenzi dati da u tribunali di Marseglia pà arrubeghju maiori è scruccunaria. À senta à Caroline Tharot, a prucuratrici lla ripublica di Bastia, i ricirchi sò principiati da ritruvà lu. Hè da nutà ch’issa parsona duvia ritruvà a so libartà pà u principiu di l’annu 2020.
Sur le même sujet
