Nouvelle édition des 7 métiers de mon territoire à Ajaccio
(A redazzioni d'Alta Frequenza) - Nova edizioni oghji (luni) è dumani à u Palazzu di i Cungressi d'Aiacciu di a manifestazioni "7 métiers de mon territoire". Urganizata da u Pianu Lucali pà l'Inserzioni è l'Impiecu di a Cità d'Aiacciu, quissa quì t'hà com'è scopu di parlà di l'impiecu altrimenti pà renda più chjari l'idei nant'à i mistieri di u tarritoriu. Cuntribuiscia à custruiscia una maghjina più pusitiva è attrattiva, batta à prò di u scontru trà u publicu è l'intrapresi, urientà l'aghjenti ver di mistieri strutturanti di u tarritoriu, è fà veda di più i furmazioni, eccu dunqua l'idei maiò chì sò sviluppati. Pà ss'ottesima edizioni, l'urganisatori ani sceltu soprattuttu d'insista duranti i dui ghjurnati di travaghju pruposti nant'à a filiera Sanitaria è Suciali, cù mistieri chì vani da l'accolta di i ciucci, fin'è i servizi pà i parsoni, passendu pà altri tippi d'accolti in strutturi spicializati.
Steti à senta à François Pieri, cunsighjeru municipali incaricatu di a Ghjuventù è di a Pulitica di a Cità d'Aiacciu.
Sur le même sujet
