Nouvelle carte cantonale 2A: Pierre Versini farouchement opposé
(A redazzioni d'Alta Frequenza) - Com'ellu hè statu u casu arimani (luni) in Corsica Suttana, u dibattitu davanti à u cunsighju ghjinirali di Corsica Suprana nant'à a riforma di i cantoni hà fattu nascia scambii vivi. Ci vultaremi ind'i nostri nutiziali chì venini ma si pò dì dighjà chì l'uppusizioni dimustrati stamani sò menu forti cà quilli intesi arimani. Picculu ritornu in Pumonti duva à traversu l'arechji di u prifettu di Corsica quilli di i rispunsevuli i più alti di u Statu avarani zifulatu assai arimani. Senza surpresa, un "innò" putenti hè statu prununziatu contr'à ssa nova urganisazioni postu chì 18 cunsighjeri ani vutatu contru è chì 4 cunsighjeri di manca ùn ani micca datu u so parè. In fatti, u dicretu d'appiecazioni di a riforma sarà appiecata à l'uccasioni di u rinnovu di i cunsighji ghjinirali, è què qualsiasi u so avisu. À partasi di ssa data, a Corsica Suttana t'avarà dunqua bè 11 cantoni. U ducumentu s'arremba à un equilibriu demugrafficu novu ed hè ssu metudu battendu à prò di una logica solu matematica ùn hè mancu appena piaciuta à l'eletti cantunali. Pierre Versini, cunsighjeru ghjinirali di Sartè s'hè mustratu propiu contr'à ssu prughjettu; ci hà spiecatu parchì.
Steti à senta à Pierre Versini.
Sur le même sujet
