Nouvel épisode venteux : la tempête Ciara devrait toucher la Corse dès demain soir
(A ridazzioni d'Alta Frequenza) - Météo france hà privistu una passata vintosa in Corsica, chì principiarà in a notti da duminica à luni, è chì duvaria durà sinu à marcuri, u 12 di frivaghju.
Pà a notti da luni à marti, s’aspettani buffulati di 200 o 220 chm à l’ora in Capicorsu, di 120 o 150 in Balagna, di 120 o 130 versu Bastia, di 140 chm à l’ora in muntagna, è di 120 o 140 chm à l’ora in u Meziornu lla Corsica.
A muntagna corsa, è ancu par disgrazia i circondi di a Sulinzara ind’iddu ci hè cursu u focu, pudariani essa tocchi da ventu forti.
Un ventu chì duvaria calà à cuntà da marcuri dopu meziornu.
S’arricumanda à ugnunu di fà attinzioni à veru.
Sur le même sujet
