Nouveaux rythmes scolaires : le dispositif bastiais
(A redazzioni d'Alta Frequenza) - A riintrata sculari hè dinò a sapeti bè quist'annu a famosa prublematica di i ritimi sculari cù a missa in ballu, pulemica certi volti, di ssa riforma. In Bastia, dopu à u tempu di a fatalità di l'appiecazioni di ssa riforma, ch'ella piacessi o micca, un antru tempu hè ghjuntu in furia, quillu di a riflessioni è di a missa in ballu di quissa quì. I dodeci scoli bastiacci sò stati aduniti in trè settori, vali à dì chì i scoli Calloni, Amadei, Campanari è Andrei t'avarani i so attelli educativi u marti dopu merzionu, i scoli Desanti, Reynoard, Gaudin è Defendini u ghjovi dopu meziornu, è i scoli Venturi, Charpak, Subissi è di Cardu u vennari dopu merzionu, par ogni gruppu di deci zitelli in scola materna è di quatordeci in scola primaria. Parechji attività spurtivi, educativi è culturali sò pruposti in u quadru di un dispusitivu chì costa 800 000 auri, cù à mezu à quissi 300 000 à a carica di a municipalità.
Steti à senta à Ivana Polisini, aghjunta in carica di a pulitica educativa.
