Nouveaux découpages cantonaux: la position de Joselyne Mattei Fazi
(A redazzioni d'Alta Frequenza) - A publicazioni di a nova urganisazioni di i cantoni - i cunsighji ghjinirali di Corsica Suprana è Suttana duvarani dà u so parè nanzi à 6 settimani - hà fattu nascia in certi casi riazzioni o ancu uppusizioni da a parti d'eletti è di a pupulazioni. D'appressu à Joselyne Mattei Fazi, presidenti di l'Associu di i Merri è Presidenti d'EPCI di Corsica Suttana, "a dimarchja chì t'hà com'è scopu di ritena solu u criteriu demugrafficu t'hà com'è cunsiquenza di cambià di manera viulenti l'urganisazioni cantunali è inghjenna scimità, ind'a misura duva ùn sò presi in contu nè a rialtà patrimuniali di i cumuni, nè a vulintà cumuna d'assucià si, cusì impurtanti ind'un rughjoni com'è u nostru, nè a leai mari/muntagna nant'à a basa di chì u Statu hà vulsutu custituiscia l'intercumunalità". "Ci vularia à veda quì a vulintà di caccià cumuni purtendu li à l'avvena à custituiscia cumuni novi ?", si dumanda Joselyne Mattei Fazi. "A dimarchja pari andà in ssu sensu quì. Tandu, ci voli à dì la di manera chjara è parmetta à l'eletti lucali di dà u so sintimu è di participà di modu attivu à un'architettura tarrituriali accittata da i pupulazioni", compii a presidenti di l'associu di i merri 2A.
Sur le même sujet
