Nouveau terre-plein pour le port de Bastia sur fond de Carbonite
(A redazzioni d'Alta Frequenza) - Tindonu, discorsi è ancu un frisgettu tagliatu, eccu com'ella s'hè passata l'inaugurazioni di u tarrapianu novu di u portu di cummerciu di Bastia. Parmittarà d'accoglia sissanta rimorchi in più è d'isulà l'attività di i parsunali in carica d'amarrà i battelli è di i dockers di pettu à u restu di i flussi, ciò chì raprisenta una migliurazioni vera in tarmini di securità, ma dinò cundizioni d'accolta migliurati pà u cimentu chì và inde i pozzi di u portu. Un cantieru di 6,6 millioni d'auri, ma chì poni torna quistioni nant'à l'avvena purtuariu di Bastia. In fatti, d'appressu à certi, com'è François Tatti, ssi travaghji erani privisti dipoi una quindecina d'anni è duviani custituiscia inde i fatti a fasa zeru di a custruzzioni di u portu di a Carbonita, vali à dì una securisazioni di u portu attuali aspittendu a nascita di u portu di a surtita meziornu di Bastia chì hè divintata un veru sughjettu chì volta à più pudè ma senza avanzà. Ci sò studii in corsu, ma quandu è comu n'avaremi i risultati è cù chì cunsiquenzi ? Ùn hè micca faciuli di risponda, ancu quand'omu hè presidenti di l'Uffiziu di i Trasporti di a Corsica.
Steti à senta à Vanina Borromei.
Sur le même sujet
