Nouveau port de Bastia : les explorations géotechniques sur leur fin
Luni, è dopu à parichji mesa, si sò compii i studii geotecnichi par ciò chì tocca à i prughjetta llu novu portu di cumerciu, o à a stesa llu portu attuali
Issi studii, chì sò custati 2,2 miliona d’auri, sò stati fatti da una ciatta chì hà avvintu a costa, scavendu è cuddindu pezzi di tarrenu sinu à 30 metra di prufundezza. Cuntendu li tutti, issi pezzi colti facini 1500 metra di longu.
Cusì, in i mesa à vena, si saparà à veru com’iddi sò issi tarrena pà i trè prughjetti privisti in u studiu : quiddu d’urigina di a Carbunita, u prughjettu Portu Novu di a maiurità tarrituriali, è a stesa di u portu di cumerciu attuali.
Sò impurtanti issi dati, da ch’idda posca a CdC valutà l’invistimentu tecnulogicu è suldarinu d’ugni prughjettu. Ma quantunca, forsa ci vurrà un rifarendu da risolva issa quistioni, chì quissa era una prumissa di campagna di Pierre Savelli, u merri di Bastia.
Stemu à senta à Gilles Simeoni, u prisidenti di l’esecutivu lla Corsica.
Da purtà issi studii, beddi tecnichi, ci hè vulsutu à arrimbà si à una mitudulugia più chè pricisa.
Steti à senta i spiicazioni di Alain Touzet, ingigneri à a Cullittività di Corsica.
