Nouveau mode de scrutin pour les municipales: une révolution pour certains maires !
(A redazzioni d'Alta Frequenza) - Una rivuluzioni! Hè cusì chì i merri di certi cumuni vedini l'alizzioni municipali chì venini cù, rammintemu la, una nova manera di vutà. Rammintemi chì a legi di maghju di u 2013 hà intruduttu cambiamenti maiò ind'a manera di vutà è par asempiu ind'i cità trà 1000 è 3500 abitanti. Rammintemi chì i puteri publichi s'inchietani assai di a cunniscenza da l'alittori di i novi mudalità di votu in ssi cumuni. In fatti, i cunsighjeri municipali ùn sarani più eletti à u scrutinu maghjuritariu com'è prima ma à quillu di lista bluccata, vali à dì chì sarà impussibuli di caccià nomi di una lista pà metta ni altri di fora. Una nuvità pà ssi cumuni, com'è pà tutti l'altri, si vutarà à tempu pà cunsighjeri cumunutarii chì farani parti dunqua di i cumunità d'agglumerazioni, urbani o metropoli. A cumuna di Bunifaziu sarà tocca da ssa riforma è emi dumandatu à u so merri u so sintimu nant'à ssa quistioni impurtanti.
Steti à senta à Jean Charles Orsucci.
