Nouveau meurtre hier soir à Sainte-Marie-Siché
Nouveau meurtre hier soir, à Sainte-Marie-Siché
(A redazzioni d’Alta Frequenza) - Novu assassiniu arisera (marti) in Santa Maria è Sichè (Corsica Suttana). Toussaint Antona hè cascatu sottu à i balli di un tiradori, mentri ch’ellu era davanti a so casa di u quartieru Burole. Una litica di vicinami è d’ordini privatu parini essa à l’urighjini di issu drama, postu chì un vicinu s’hè dinunziatu à a pulizza, in quantu ch’è autori di i fatti, calchì minutu dopu à i tiri. L’omu di una cinquantina d’anni, com’è a vittima, hè statu missu subbitu in guardia custodia ind’i lucali di a gendarmeria di Sartè. In issu mentri, un perimetru di securità hè statu missu in ballu è i primi investigazioni scentifichi è tennichi rializati.
