Nouveau drame de la route en Corse-du-Sud
(A redazzioni d'Alta Frequenza) - Un novu accidenti murtali hè accadutu stanotti (di sabbatu à dumenica) in Corsica Suttana, à l'intrata di Pianottoli Caldarellu. U cunduttori, un ghjuvanottu di 19 anni, hè mortu nant'à a naziunali 196, dopu chì a so vittura, chì circulava ind'u sensu Sartè-Bunifaziu, sighi isciuta da a strada pà compia a so corsa contr'à un arburu. Una volta sopralocu, i succorsi ùn pudiani cà custatà a morti di a vittima, chì stava in Pianottoli Caldarellu. I circustanzi di iss'accidenti sò par avà scunnisciuti. Torna una volta, vi racumandemi a prudenza a più maiò da fà chì drami simuli ùn accadessini più...
