Nouveau déplacement d'élus alsaciens en Corse sur fond d'évolutions institutionnelles
(Julien Pernici – Alta Frequenza) - Circa vinti eletti alsassiani sò stati in Corsica una bedda parti lla sittimana scursa, in lu quadru d’un’azzioni di l’associu Elsass-Corsica. Cù issu viaghju, ani pussutu fà cunniscenza cù a storia è a cultura lla Corsica, veda i pussibilità di cullaburazioni ecunomichi, ma supr’à tuttu, ani pussutu piddà a misura llu funziunamentu lla Cullittività unica. Di fatti, sò parichji, l’eletti alsassiani, à milità da fà escia l’Alsassia da a righjoni Grand Est, par ch’idda duventi una cullittività a statutu particulari. Par quissa, u mudellu corsu intaressa è bè iss’eletti. I discussioni cù u guvernu, è particularmenti cù Jacqueline Gourault, chì oramai sparti u so tempu trà Corsica è Alsassia, ùn porghjini, par avali, imprissioni boni : u guvernu vurria ghjustu andà versu una fusioni di l’Altu è u Bassu Renu in un solu dipartimentu.
Stemu à senta à senta à Justin Vogel, cunsiglieri righjunali di u Grand Est, diligatu à l’idintità tarrituriali è prisidenti, pà l’Alsassia, di l’associu Elsass-Corsica.
Sur le même sujet
