Nouveau Conseil de défense sanitaire ce mardi à l’Élysée : la crainte d'un troisième confinement
Ci sarà manera di sfrancà si la da un terzu cunfinamentu ? Hè posta à veru a quistioni, masimu ch’in francia, a situazioni impinsirisci à tutti, pulitichi è medichi.
È tandu, torna à Vignali, o piuttostu à l’Eliseu ! Eccu ch’iddu s’affacca dinò, marti, u cunsigliu di difesa sanitaria. Dopu intesi parichji eletti, l’idea d’un novu cunfinamentu faria strada ind’è i capimachja francesi. Ma issa volta, si pudaria tena contu di i situazioni lli righjoni. I più tocchi da l’epidemia u si gudariani. A Corsica, à veda ni com’idda hè oghji, a si pudaria sfrancà.
À dì la franca, ùn si sà ancu s’iddi sarani dicisi ristrizzioni novi à issu cunsigliu. Ma par avali, semu luntani è bè da i 5 000 cuntaminazioni aspittati ugni ghjornu.
In francia, sò 63 000 è ancu di più, i parsoni chì u siscu i si hà purtati. Sò turrati à crescia l’uspitalisazioni è i intruti in rianimazioni.
Sur le même sujet
