Nouveau conseil de défense sanitaire aujourd'hui avant l'annonce de probables nouvelles restrictions jeudi
Jean Castex, Premier ministre
È turremu à Vignali : u guvernu francesu faci issu marcuri un altru cunsigliu lla difesa sanitaria. Marti, 1 660 parsoni sò stati uspitalizati, è 19 000 cuntaminazioni sò stati cuntati, in francia. Senza cuntà ch’idda pari cullucà si chivi a varienti inglesa, ditta più piriculosa.
Si dici chì ghjovi, u primu ministru francesu duvaria fà cunnoscia novi ristrizzioni : si parla d’una caramagnola stesa à tuttu u tarritoriu, è chì saria avanzata à sei ori di sera. Certi voci parlani ancu d’un cunfinamentu in duminicata.
Par avali, d’un terzu cunfinamentu, ùn si ni parla.
L’auturità farani u bilanciu lli festi di fin’ d’annata, è circarani à misurà i so cunsiquenzi par ciò chì tocca à l’epidemia.
