Non-respect des normes de déconfinement : des bars de Saint-Florent, Lucciana et d'autres communes dans le collimateur du préfet de Haute-Corse
Dipoi issu marti, sò pussuti riapra in Corsica caffè è risturanti.. Una riapartura fatta cù normi igienichi è scartu fisicu.
Ma certi stabilimenti, pari ch’idd’ùn achini datu capu issi misuri..
À senta à François Ravier, u prifettu llu Cismonti, iss’ultimi sirati, in Luciana, San’ Fiurenzu è in altri cumuni, i forzi di l'ordini ani rimarcatu cumpurtamenti irrispunsevuli in parichji stabilimenti, chì i reguli sanitarii ùn l’ani rispittati. I rispunsevuli d’issi stabilimenti sarani cunvucati a sittimana ch’entri in prifittura pà una cuntrastata, innanzi ch’iddu sichi dicisu s’idda si farà o micca una chjuditura amministrativa.
U prifettu cundanna di manera chjara issi cumpurtamenti, è ramenta chì i pochi pracuzioni di quiddi ch’ùn rispettani i misuri risicani di fà faltà a ripresa tantu bramata da i prufiziunali.
U siscu hè sempri in circulazioni, è hè impurtanti di mantena i gesti boni, da sfrancà si la d’un novu cunfinamentu, chì saria un dannu maiori à l’entra lla staghjoni turistica.
