Non à la guerre en Syrie: plusieurs appels citoyens
(A redazzioni d'Alta Frequenza) - Per A Pace è un cullettivu chjamani ad aduniscia si stasera (marcuri) davanti a prifittura d'Aiacciu, à sei ori è mezu. I rivindicazioni : ùn volini micca di a guerra contr'à a Siria. "Una guerra in più dopu à l'Irak, l'Afghanistan, a Libia... Cù oghji, in ogni paesi ammintatu, situazioni tarribuli pà i pupulazioni cuncirnati senza nisun suluzioni pulitica infini" priciseghja unu di i cumunicati. Ancu s'è "u macellu contr'à a pupulazioni civili" devi essa dinunziatu di manera forti, i manifestanti stimani chì altri suluzioni diplumatichi asistini. Di fattu, pà Per A Pace, ci voli à "fà spariscia i causi chì nutriscini i cunflitti è pruvà à metta in ballu i cundizioni di un dialogu trà di i sfarenti partiti sottu à a direzzioni di l'ONU". À u nivellu più lucali, u cullettivu stima chì "a Corsica à u centru di u Mediterraniu è di i muvimenti nentri, hè un tarritoriu chì sarà particularmenti spostu in ssu cunflittu à vena (basa di l'OTAN ind'A Sulinzara).
