Nombreux départs de feu en Haute-Corse
(A redazzioni d'Alta Frequenza) - I spignifochi di Corsica Suprana sò intarvinuti parechji volti ssu dopu meziornu (vennari), par via di parechji fochi. U più grossu hè statu in Ulmeta di Capicorsu. Cinqui ettari sò stati brusgiati. U focu hè oramai ammaistratu. Mezi impurtanti à u nivellu umanu è aereu sò intarvinuti. Dui Canadair, dui Tracker, dui elicotteri chì lampani acqua è un avviò di ricunniscenza sò stati mubilizati. Più di 40 omi erani sopralocu, ghjunti da San Fiurenzu, Bastia, Luri è di a Securità Civili. A chjama hè stata lampata à un'ora è quaranta trè, è u focu hè statu cuntrullatu ghjustu nanzi à quattru ori. In Viscuvatu, ind'a piaghja di u Golu, i fiari ani parcorsu 5000 m2, prima chì i pumpieri spignissini u focu. In Linguizzetta infini, ci n'hè statu dui. U primu, à meziornu è vinti dui, hà brusgiatu 3000 m2 di machja grossa. U sicondu, in Riva Bella deci minuti dopu hà parcorsu una superficia chjuca. I dui fochi sò ammaistrati. Spignifochi d'Aleria, Cervioni, è di A Ghisunaccia sò intarvinuti.
Sur le même sujet
