Nombreux cas de gastro-entérite aigue identifiés à Corte
Dipoi a sittimana passata, sò stati cuntati parichji casi di gastruinterita bedda greva, in Corti, cù passaghji in crescita à l’accolta midicali di u centru uspitalieri di Corti è Tattò, è in i farmacii.
À i parsoni presi in carica, i sintumi li spariscini di regula in i 24 ori, senza ch’iddi t’achini bisognu d’andà à u spidali.
L’ARS è Santé Publique france circani à cunnoscia i causi d’issa passata epidemica. Par avali, risposta à issu chistiunamentu ùn ci n’hè.
Dipoi u passaghju di i timpesti, hè stata virificata rigularmenti a clurazioni di i presi d’acqua in Tavignanu è in a Restonica : hè sempri in cunfurmità cù a rigulamintazioni.
Sò stati fatti prilivamenti d’acqua da u lavuratoriu di l’Uffiziu d’Echipamentu Idaulicu lla Corsica, in parichji punti lla reti di distribuzioni.
U primu risultatu, quiddu di l’analisa cumandata da a cumuna di Corti, insigna chì l’acqua distribuita hè cunforma à a rigulamintazioni, è ch’idda a si sfranca da i cuntaminazioni battiriulogichi.
S’aspettani altri risultati pà a fini lla sittimana.
Sur le même sujet
