Nicolas Sarkozy : oui à la Corse dans la constitution et au rapprochement des prisonniers
(A redazzioni d'Alta Frequenza) - Ssu marcuri, Nicolas Sarkozy hà principiatu una visita di dui ghjorni in Corsica. Prima, u candidatu à a primaria di a diritta è di u centru hè andatu in a brasseria Pietra, pà scuntrà socioprufiziunali numarosi, eppo hè partutu pà u centru culturali di Biguglia, a cità di u so sustegnu u più forti, Sauveur Gandolfi Scheit, pà didicacci u so ultimu libru eppo pà un meeting davanti una sala colma. L'anzianu presidenti di a Republica ci hà fattu un discorsu prisintendu u so prugramma ind'a Corsica. Iè à a cullittività unica, ma micca n'importa comu, è scrivendu a Corsica è a so spicificità isulana in a custituzioni, par asempiu pà cunnoscia un sviluppu ecunomicu simuli ad altri isuli di u Mediterranriu. Dopu avè dittu di sì à u corsu lingua suciali ma innò à u corsu lingua cuufficiali, Nicolas Sarkozy s'hè filicitatu di a fini di una certa viulenza, vali à dì l'armi posti da u FLNC. Ma s'è l'avvicinamentu di i prighjuneri hè statu amintatu, a parolla annistia ùn hè mai stata prununziata.
Steti à senta à Nicolas Sarkozy.
Sur le même sujet
