Neige : le point à l'heure de l'accalmie
(A redazzioni d'Alta Frequenza) - I servizii di Météo France è di a prifittura di Corsica, cunfirmeghjani chì u tempu s'hè bè calmatu issu dopu meziornu (marti). Malgradu tuttu, i spiazzamenti fermani scunsighjati inde parechji settori : in Letia, Rennu, Guagnu ma dinò ind'A Soccia è in Ortu si sculisci assai nant'à strada è l'arnesi spiciali sò ubligatorii. In Arburi, l'accessu hè difficiuli, è l'arnesi spiciali sò ubligatorii pà i veiculi lebbii. Quissi quì sò indispinsevuli dinò ind'u Cruzini, a Bocca di Tartavellu, duva ci voli piuttostu à pighjà a strada dipartimintali 125 (passendu pà Lopigna). In ogni locu, u pesi di a nevi hà fattu cascà parechji arburi chì ani taghjatu a circulazioni. S'è vo seti ubligati à spiazzà vi, pighjeti cù voscu l'arnesi chì ci volini è rinsigneti puru nanzi d'ingaghjà vi nant'à a strada. Rammintemi dinò chì u risicu di valanga (risicu forti) tocca tuttu u dipartimentu di Corsica Suttana.
Sur le même sujet
