Le Direct

Neige en Corse : le col de Vizzavona repasse en niveau Jaune et est ouvert aux véhicules équipés

(a ridazzioni d'Alta Frequenza) -  Sta mani, a bucca di Vizzavona era signalata à liveddu russu, è chjusa dui ori à a circulazioni. I vitturi cù l’echippamenti poni turrà à francà a bucca, dapoi deci ori è quartu. Vistu ch’idda pò cambià a situazioni, chjameti puri u PC nivi à u 04 95 46 17 12 innanzi di fà strada. Ramintemu chì a Corsica hè in vighjulanza giadda par irrisicu di nivi, cù una passata privista marcuri trà 3 ori è 10 ori. Dici Meteo france chì « u celi, purgu in sirintina, s’hà da amantà in a nuttata, è chì, cacciata a parti à liventi llu Cismonti, s’ani da affaccà l’acquati. A limita trà acqua è nivi pudaria tuccà i 900 metra. Pudariani falà da 1 à 3 cm in Vizzavona, è ancu 5 in Verghju. I timpiraturi viaghjarani da 6 à 9 gradi, è falarani ancu sinu à 1 in muntagna. A limita trà acqua è nivi, privista versu i 1050 metra à u spuntà llu ghjornu, pudaria ricuddà in a ghjurnata da supra à i 1400 ». A prifittura ricumanda di fà attinzioni bè in casu di dispiazzamentu privistu. Vi pudeti rinsignà chjamendu u PC di strada à u 0495461712