Nazione interpelle les députés de la commission des finances de l’Assemblée Nationale en visite en Corse
Dipoi ghjovi dopu meziornu, i diputata lla cumissioni di i finanzi di l’assemblea naziunali sò in Bastia par dui ghjorna di scontri pulitichi, sucio-ecunomichi è stituziunali.
Via un cumunicatu, u partitu indipindintistu Nazioni hà avvucciatu issa diligazioni.
« Sinu ad oghji, a quistioni llu raportu finanziariu trà a Corsica è a francia hè attaccata, da a parti di parigi, cù sempri i dui stessi riturnelli : in prima, si ripeti di manera catigorica chì a Corsica costa caru à a francia, è ch’idda ùn pudaria campà senza u so aiutu. Po’ si dici dopu ch’iddu ci voli à canciddà i pratesi privileghji chì prufittariani, senza raghjoni nisciuna, à a Corsica.
M. de Courson, chì hè d’issa diligazioni, hè statu anni è anni u prumutori principali d’issu discorsu à u palazzu Bourbon ».
Pensa u partitu chì « à u cuntrariu di u mitu di a famosa « sulidarità naziunali », hè a dipindenza chì t’hà un prezzu pà a Corsica.
Nazioni dumanda dunqua « quant’iddi sò tutti i incasci fiscali è parafiscali ch’idda pidda in Corsica a francia, è chì ni sò l’evuluzioni, […] quant’iddi sò i rivinuti di u duminiu, masimu l’incasci effettivi è putinziali liati à a prisenza di a basa militara di A Sulinzara – Vintisari, è a valutazioni di i costi indutti da idda, è quant’iddu hè glubalmenti u risparmiu corsu ».
Pà Nazioni, « senza iss’elementi, mancu à pinsà la di pudè niguzià di manera fidata un statutu fiscali »
Sur le même sujet
