Le Direct

Nascita ufficializata pà Femu a Corsica

(Julien Pernici - Alta Frequenza) - Ssa dumenica, guasgi 1 200 parsoni si sò aduniti nant’à l’aerodromu di Corti pà u lanciamentu di Femu a Corsica. Un’assistenza cumposta di ghjenti chì erani prima membri d’Inseme, di u PNC o di a Chjama, ma dinò chì faciani parti di muvimenti assuciati com’è Pudemu, o di a sucità civili. Par avà, s’è a direzzioni ùn hè ancu stata scelta di manera ufficiali, vistu chì u calendariu eletturali ùn laca tantu a pussibulità di falla, un cumitatu esecutivu d’una trintina di parsoni sarà missu in ballu, cù deci anziani d’Inseme, deci anziani di u PNC, è deci parsoni chì ùn ghjunghjini micca da ssi dui anziani muvimenti. Mentri ciò chì pò essa qualificatu d’università d’auturnu inaugurali, i statuti di u partitu è una cartula etica sò stati aduttati, cù frà altru una minzioni à u cumulu di i mandati.

Steti à senta à Gilles Simeoni.