Municipalités : on s'installe
(A redazzioni d'Alta Frequenza) - A riunionita ! Hè a malatia chì tocca Aiacciu è Bastia in ssu mumentu dopu à i risultati di l'urni di dumenica scorsa. I novi squadri dirighjenti, in fatti, si sò lanciati ind'una seria di riunioni cù tutti i servizii municipali, è tuttu ognunu sà chì gistiscia una cità maiò ùn hè micca calcosa di faciuli. Ùn ci voli micca à distrughja tuttu è ricustruiscia dopu - un'amministrazioni municipali ùn s'affonda micca quandu c'hè un'alternenza - ma i novi dirighjenti devini pighjà l'affari in manu pà cumincià à rializà ciò ch'elli ani prumissu à l'alittori. In Aiacciu, un cunsighju municipali hè statu annuziatu pà luni chì veni; l'attribuzioni di i dilegazioni è l'urganisazioni di a "nova intrapresa" municipali sarani prisintati. Quandu un merri novi sbarca, ghjunghji dinò una squadra di direzzioni nova è Antoine Maestrali faci parti di i parsoni chì inghjirani à Laurent Marcangeli. Vera pezza maestra di a campagna eletturali, sarà à u postu, assai bramatu ma suventi difficiuli, di direttori di cabinetu di u merri. Un rollu impurtanti, ch'ellu hè prontu ad assuma cù cunfidenza.
Steti à senta à Antoine Maestrali.
Sur le même sujet
