Municipales : et après ?
(A redazzioni d'Alta Frequenza) - Chì sarà l'influenza di l'ultimi alizzioni municipali annant'à a vita pulitica di l'isula da quì à calchì mesi è par asempiu ind'u quadru di l'appruntera di l'alizzioni tarrituriali chì venini ? S'è pà i prossimi alizzioni senaturiali, l'affari parini essa dighjà sicuri pà i dui senatori attuali, è frà altru in Corsica Suttana, u ghjocu puliticu hè più apartu pà i tarrituriali di un antru annu. Usservatori numarosi si sò lanciati inde analisi forsa fatti appena troppu in furia è chì annunziariani u ghjocu di l'allianzi futuri. À l'ingrossu, è par andà fin'à l'essenziali, ci pudaria essa un currenti Diritta-Manca-Naziunalisti dittu prugressistu, è un antru currenti Diritta-Manca chì u saria menu è ch'è no pudariami qualificà di republicanu. Ma tuttu u mondu sà chì ind'è noi, a pulitica ùn entri micca sempri ind'i schema cartesiani.
Steti à senta u sintimu di calchissia chì sà leghja a situazioni pulitica inde l'isula, Edmond Simeoni.
Sur le même sujet
