Municipales de Bastia : Jean-Sébastien de Casalta et ses alliés portent leur recours en annulation devant le Conseil d'Etat
Ùn hè ancu à compia, l’affari di i municipali di Bastia. Dopu à l’annulazioni in parti minima di l’alizzioni, parvia di currieri mandati da l’Uffiziu Publicu di l’Abitatu, cunsidarati da campagna illecita à prò di Pierre Savelli, Jean-Sébastien de Casalta, Jean Zuccarelli è Jean-Martin Mondolini portani l’affari in cunsigliu di statu. Di regula, ùn saria trattata innanzi à a fini llu 2021.
Par Jean-Sébastien de Casalta è i so soci, a dicisioni llu tribunali amministrativu hè paradussali, postu chì a cumbriccula alitturali hè ricunnisciuta, ma chì annulazioni in tutalità di l’alizzioni ùn ci n’hè statu.
I trè omini, accumpagnati da François Tatti, ani dittu chì d’altri currieri di Fabiana Giovannini, a prisidenti tandu di l’Uffiziu di l’Abitatu, sarani missi in issu cartulari. Ci saria quì a cunfirma d’una prupaganda à prò di Pierre Savelli è Gilles Simeoni in i quartieri suttani di Bastia, à u sicondu ghjiru di l’alizzioni.
I capifila di « Unione per Bastia »lampani una chjama à i bastiacci, ch’iddi mandini ancu iddi i so currieri, s’iddi l’ani ricivuti, à a ghjustizia.
L’affari fila ancu à liveddu penali, cù una inchiesta aghjà in anda.
Par ciò chì tocca à a inchiesta chì circaria à veda s’iddi sò liati l’Associu Victoria, i so pacchetti di manghjuscula, è a campagna di Jean-Sébastien de Casalta, dici iddu ch’iddu hè à veru spinsiratu à issu sughjettu.
Stemu lu à senta.
