Municipales de 2020 à Bastia : trois gardes à vue dans le cadre du dossier de l'association Victoria
À senta ni à l’AFP, trè parsoni sò in guardia à vista in u quadru d’una infurmazioni ghjudiziaria chì punta una pussibuli froda alitturali, pà i municipali llu 2020 in Bastia.
Hè a pracura di parigi chì porta issa prucidura, l’affari issendu statu spaisatu : unu di i trè guardati à vista hè avucatu, anzianu capiavucatu di u bancu di Bastia, elettu d’uppusizioni di u cunsigliu municipali è di a CAB dipoi u 2020.
I dui altri guardati à vista sò un elettu d’uppusizioni è anzianu prisidenti di a CAB, è u so anzianu dirittori di cabinettu.
I trè omini sò intesi pà u cartulari di l’associu Victoria, dopu ch’iddu achi spostu lagnanza, trà i dui ghjiri di l’alizzioni, un avucatu bastiacciu à a ritirata. Iss’associu, chì à l’urigina era cunsacratu à u finanzamentu lla sizzioni cismuntinca llu partitu radicali, avaria cambiatu i so statuti trà i dui ghjiri, da pudè distribuì robba da manghjà, masimu in i quartieri sud di Bastia.
