Municipales ajacciennes : l'équipe Renucci défend encore et toujours son bilan
(A redazzioni d'Alta Frequenza) - U bilanciu, torna u bilanciu è sempri u bilanciu ! Eccu nant'à ciò ch'ellu hà incalcatu Simon Renucci duranti una cunfarenza di stampa chì li parmetti d'entra inde l'ultima parti di a corta campagna eletturali. L'anzianu merri d'Aiacciu è u so Prima aghjuntu sò vultati di manera larga annant'à tutti i travaghji è i grandi prughjetti rializati da l'anziana municipalità. Scoli, ciucciaghji, parkings, stallazioni spurtivi è culturali, ruminzulaghju di Sant'Antone, trattamentu di l'acqua, l'anziana squadra dirighjenti di a cità d'Aiacciu ùn hà micca pussutu andà fin'è a fini di ciò ch'ella hà fattu duranti dui mandaturi parchì a lista hè impurtanti di sicuru. Simon Renucci hà vulsutu vultà arimani annant'à ssu bilanciu parchì d'appressu à ellu, ùn hè micca unestu di un puntu di vista intellettuali di dì chì ssu bilanciu hè zeru.
Dopu à Simon Renucci, steti à senta oramai à Paul Antoine Luciani, u so anzianu Prima aghjuntu.
Sur le même sujet
