Le Direct

Municipales à Bastia : Pierre Savelli, Gilles Simeoni et leurs alliés tirent à boulets rouges sur la liste Unione per Bastia

Marcuri, a lista « Bastia Più Forte Inseme », purtata da u merri Pierre Savelli, è chì ùn hè cusì cheta a so situazioni innanzu à u sicondu ghjiru, hà fattu una cunfarenza di stampa. Parichji parsunalità di « Femu a Corsica » erani chivi à sustena la.

Nanzi tuttu si hè parlatu di u prugrama, ch’ùn hà mutatu panni cù a crisa sanitaria. Ma hè ghjunta ancu l’ora di tirà à badda russa à nantu à Jean-Sébastien de Casalta è a so lista « Unione per Bastia ». Cù un falsu sbagliu, Gilles Simeoni hà mintuvatu da capifila à Dominique Rossi, parsona di pesu di st’uppusizioni è quindicesimu lla lista.

È par Pierre Savelli, u sonniu di « Unione per Bastia » hè di ristabiliscia i reguli clanisti. Hà mintuvatu à « quiddi chì, suttiscala, si ghjovani lla miseria, è chì vurriani essa à tempu urdunatori è binifiziarii lli marcati publichi ».

Steti à senta à Pierre Savelli.

Emmanuelle de Gentili, chì riprisenta a sinsibilità di manca lla lista lla maiurità, parla d’un’unioni di parsoni chì ani traditu i so soci è i so ingagiamenti. Par idda, iss’unioni ùn hè micca « par Bastia », ma si hè custituita par distrughja u travaddu fattu da a maiurità.

Steti à senta à Emmanuelle de Gentili

Ripiddendu certi parolli di Julien Morganti è di i cumunisti, Gille Simeoni voli palisà una lista purtata unicamenti da una vodda di rivincita.

Steti lu à senta.