Le Direct

Municipales à Bastia : Pierre Savelli a présenté sa liste

Marcuri, hè stata prisintata a lista « Bastia più forte inseme », purtata da u merri Pierre Savelli.

Surpresi pà issa lista ùn ci n’hè tantu, ch’uni pochi di cosi si sapiani dighjà : Gilles Simeoni affacca in settima piazza, è, cacciati Christelle Timsit – siconda – è Lisandru de Zerbi – terzu - facci novi à i primi posti ùn ci n’hè.
Tutti l’aghjunti sò in pusizioni d’essa eletti. Gérard Romiti, tredicesimu, cunfirma a so prisenza attiva à nantu à issa lista, ind’idda si trova dinò, in sedicesima piazza, a cunsiglieri esecutiva Lauda Giudicelli.

Diciottu di l’eletti in postu si ritrovani dunqua à nantu à issa lista, chjusa da Michel Castellani.
Sò mantinuti l’allianzi cù Emmanuelle de Gentili è Jean-Louis Milani.

Stemu à senta à Pierre Savelli, u merri, è capilista di « Bastia più forte inseme »

 

L’unniprisenza di Gilles Simeoni hè stata più chè rimarcata. U prisidenti di l’esecutivu hè statu l’ultimu à parlà, ghjustu innanzi à Pierre Savelli, da fà valè tutta a impurtanza di a so participazioni, missa in vista bè, à a settima piazza d’issa lista.
Stemu dunqua à senta à Gilles Simeoni, u Prisidenti di l’Esecutivu lla Corsica, ma supr’à tuttu candidatu di a lista « Bastia più forte inseme »

 

Ben’ch’idd’ùn sichi stata cusì faciuli a strada, Emmanuelle de Gentili, quarta d’issa lista, si hè fatta veda cù un surrisu è à rosa in manu. Duvaria ritruvà, in casu di vittoria, a so piazza di prima aghjunta. Emmanuelle de Gentili hà missu in risaltu a ripresa di l’unioni llu 2014 cù Pierre Savelli è Jean-Louis Milani.
Stemu la à senta.