Municipales à Bastia : Julien Morganti invite les bastiais à le choisir entre des 'incompétents' et des 'revanchards'
Pari fà si più chjara, a situazioni in Bastia. In un cumunicatu rabbiosu, Julien Morganti dici chì i capilista di « Scedda Bastia » è « Bastia altrimenti » ùn ani accunsintitu à a dimarchja d’unioni ch’iddu hà prupostu.
« Eppuri, issa pruposta, chì porta a scelta di a cridibilità è di a stabilità, arrimbendu si à un prughjettu cuerenti, hè vista di manera pusitiva da tanti parsoni, in i varii listi d’uppusizioni. Puri ùn issendu ci ni accordu, purtaremu issa dimarchja cù iddi, cù voscu » dici u candidatu.
Julien Morganti dici chì di pettu à un merri chì hà persu a cridibilità, di pettu à l’unioni di u soldu, di a rivincita è di l’odiu, i forzi vivi di Bastia devini fà una scelta libara.
« Ùn sò u soldu o i marcati publichi à cambià i nosci idei : firmà si cusì o vultà si ni in daretu, sariani piriculi maiori pà a noscia cità. Pà a prima volta, in Bastia, si pò scedda di vutà « Par » è micca « Contru » pà un sicondu ghjiru. Semu a guaranzia llu cambiamentu pà una Bastia forti è libara d’ugni blucchimu puliticu pà l’anni à vena. Un manchemu st’uccasioni di porghja à Bastia un’altirnativa sana » hà dittu Julien Morganti.
