Le Direct

Municipales à Bastia : Julien Morganti appelle à éviter le statu-quo ou le retour en arrière

Dopu annunciatu u sicondu ghjiru lli municipali pà u 28 di ghjunghju, Julien Morganti, quartu di u primu ghjiru in Bastia, hà fattu un cumunicatu.

À senta lu, u primu ghjiru hè statu com’è una biacculata pà a squadra municipali. A poca gistioni è a perdita di a lighjittimità insignani un sistema puliticu ch’ùn hè statu capaci à risponda à i scumissi di l’avvena.

In issi tempa di cunfinamentu, Bastia hè stata lacata à ribaldonu.

Dici Julien Morganti ch’iddu «ci voli à travaddà, da allargà u campu di i pussibilità pà l’avvena. Issa crisa ci custringhji à riinvintà ci, à crià novi rilazioni da custruì un urisonti cumunu. Da ghjunghja ci insemi, ci vurrani  ruttura, ambizioni è arditezza. Ci tuccarà a ritruvà a simplicità, a spartera è à essa nuvativi. Iss’alizzioni pudaria porghja una via nova par Bastia. Ci saria un risicu maiori, pà a noscia cità, à ùn cambià nudda o à fà un saltu in daretu».

Cù issi parolli, pari ch’iddu minghi à tempu a maiurità attuali è a dimarchja d’unioni avviata da Jean-Sébastien de Casalta.

Puri issendu finitu terzu di i listi d’uppusizioni fattu u primu ghjiru, Julien Morganti si cunsidarighja, pà issa siconda mani, capifila di l’uppunenti. Cusì saria ublicatu, à senta lu, à fà sbuccià i cundizioni di un’accolta pà un prughjettu fidiratori.

« A noscia qualifica pà u sicondu ghjiru rinforza a noscia cridibilità è a noscia vulintà di cambiamentu. Anticipà, discorra è chjarificà sarani i punti maestri d’una nova pulitica. Dicisi, mubilizati è ambiziosi quant’è mai, saremu prisenti, à torru à i bastiacci, par ricustruì a noscia cità » dici Julien Morganti.