Municipales à Bastia : Jean-Sébastien de Casalta pointe du doigt le mélange des genres d'un courrier de la présidente de l'Office de l'Habitat aux locataires
Par compia a campagna vispina di Bastia, Jean-Sébastien de Casalta, capifila di « Unione per Bastia », hà parlatu in una cunfarenza di stampa d’un currieri mandatu da Fabiana Giovannini à i pighjunanti di l’Uffiziu Publicu di l’Abitatu.
Issa lettara, mandata luni, faci u censu di i rialisazioni di l’uffiziu iss’ultimi anni, è mintuvighja parichji volti l’azzioni maestra di Gilles Simeoni in a pulitica di rinovu è custruzzioni di l’alloghji suciali.
Ma supr’à tuttu, issu currieri mintuvighja un « ritardu di parichji dicennii à ripiddà », è porta u numaru di telefunu parsunali lla prisidenti di l’Uffiziu, chì hè un sustegnu di Pierre Savelli.
Issi maneri di fà ùn si poni accittà, à senta à Jean-Sébastien de Casalta chì parla « d’etica cambiarina », di « marcanti d’illusioni », è d’intarvinzioni lla CDC in issa campagna. Puntendu à Gilles Simeoni, Jean-Sébastien de Casalta parla di i so maneri grussulani, di un « omu incravatatu chì riscopri à Bastia in a so vittura di funzioni ».
Stemu lu à senta.
