Municipales à Bastia : Jean-Sébastien de Casalta a déposé sa liste Unione per Bastia avec Jean Zuccarelli et Jean-Martin Mondoloni
« Unioni pà Bastia » : eccu u nomu lla lista di Jean-Sébastien de Casalta, chì si hè liatu à i so avvirsarii llu primu ghjiru, Jean Zuccarelli è Jean-Martin Mondoloni.
Trà l’ottu primi lla lista, quattru venini da quidda di Jean-Sébastien de Casalta, dui da quidda di Jean Zuccarelli è dui da quidda di Jean-Martin Mondoloni chì, à ciò ch’iddu si senti, duvaria essa primu aghjuntu in casu di vittoria. Ma par casu chì Jean Zuccarelli manchi a prisidenza lla CAB, issu postu tuccaria ad iddu.
È ancu puri issendu ci stata calchì imparullata pà u primu ghjiru trà Jean Zuccarelli è Jean-Sébastien de Casalta, hà dittu quissu chivi ch’idd’ùn ci hè bisognu à carrià si issa rantana, ch’hè ora d’attippà versu a vittoria.
Steti à senta à Jean Sébastien de Casalta.
In quantu à Jean Zuccarelli, rigreta ch’idd’ùn ci sichini i so soci storichi, i cumunisti. Cacciatu iss’affari, dici ch’iss’unioni ùn hè una risposta à quidda, senza capu nè coda, ch’iddu avia dinunciatu in u 2014, ma una vera allianza di prughjettu.
Stemu à senta à Jean Zuccarelli.
Jean-Martin Mondoloni, terza parsona d’un’unioni marcata piuttostu à manca, si dici ancu iddu suddisfattu da iss’accordu.
Sintimu lu ghjà.
