Le Direct

Municipales à Bastia : Jean-Martin Mondoloni rentre en campagne

Luni, Jean-Martin Mondoloni hà attaccatu a so campagna pà i municipali di Bastia, in prisenza di parichji di i so sustegni.

Cù a so lista « Bastia Altrimente », Jean-Martin Mondoloni voli fà un’accolta larga : puri avendu fattu unioni cù Les Républicains è l’UDI, dici ch’idd’hà avutu a vuluntà d’apra si à manca. Quissa a faci veda a prisenza di Sylvie Retali Andreani, anziana aghjunta di François Orlandi à u cunsigliu dipartimintali llu Cismonti, è anziana adirenti llu MCD di François Tatti.

Pà u prugramma, si parla di lutta contru à l’insicurità, di 1500 piazzi di staziunamentu, o ancu d’un pianu di saluta. Unu di l’ughjittivi maestri, sarà di fà ch’idd’ùn sichi svalutata Bastia.
Infini, stuzzichendu pò ancu essa à Gilles Simeoni, Jean-Martin Mondoloni hà dittu chì iss’alizzioni ùn era par iddu una scalinata par cuddà più in altu : elettu merri di Bastia, staria à issu postu da u primu à l’ultimu ghjornu llu so mandatu.

Stemu à senta à Jean-Martin Mondoloni.

Trà i parsoni prisenti, c’era dunqua Sylvie Retali-Andreani. U so ingagiamentu, basta issa raghjoni à spiicà lu : Jean-Martin Mondoloni.

Stemu la à senta