Municipales à Bastia : Jean-Martin Mondoloni et Livia Graziani investis par Les Républicains
(A ridazzioni d'Alta Frequenza) - Eccu un’altra nuvità pà i municipali di Bastia. A fidirazioni Les Républicains llu Cismonti hà fattu un cumunicatu, da purtà u so sustegnu à una candidatura ancu à dichjarà, ma chì sarà invistita da u partitu à liveddu naziunali : quidda di Jean-Martin Mondoloni. À senta u cumunicatu, saria sicundatu da Livia Graziani-Sanciu, a prisidenti lla fidirazioni di « Les Jeunes Republicains ».
Dici u cumunicatu chì « in cunfurmità cù a so ligna, vali à dì l’unioni di a dritta à u primu ghjiru, a fidirazioni Les Républicains di u Cismonti hà sceltu di fà lista cumuna cù « Par l’Avvena », da prupona à Bastia un’altirnativa à a gistioni lli naziunalisti. Issa scelta rispondi à a dumanda d’unioni lla dritta ch’iddu faci senta l’alitturatu ».
A dritta, dunqua, hà da mova divisa pà issu primu ghjiru di l’alizzioni postu chì, ramintemu la, Stéphanie Grimaldi hà annunciatu a so candidatura chì sò uni pochi di ghjorni.
Stemu à senta à Jean-Martin Mondoloni
