Municipales à Ajaccio: union de Femu a Corsica et Corsica Libera pour mars 2014
(A redazzioni d'Alta Frequenza) - Ùn hè micca veramenti un scoop parchì si sapia dipoi un certu tempu, una parti impurtanti di i muvimenti naziunalisti hà dicisu d'uniscia si pà a battaghja di i municipali in Aiacciu. Femu a Corsica, entità cù nentru A Chjama Naziunale, U PNC è Inseme per a Corsica, ani dicisu di raghjunghja à Corsica Libera pà investiscia si di modu pienu inde ss'alizzioni quì. U nomu di u numaru unu di a lista circuleghja à più pudè è sarà datu ssu sabbatu à l'uccasioni di una cunfarenza di stampa com'è u sensu di a dimarchja. U cumunicatu di prisintazioni ammenta piuttostu un'unioni citadina cà naziunalista schietta pà prisintà un'alternativa cridibuli à a guvernenza municipali attuali. Ci vultaremi!
