Moustique tigre : de la prévention à la lutte
(A redazzioni d'Alta Frequenza) - I dui cunsighji ghjinirali di l'isula, rispunsevuli di a lotta contr'à i zinzali è u sviluppu di i so malatii, è l'Agenza Righjunali di a Saluta di Corsica, rammentani à u publicu, com'è tutti l'anni à ss'epica quì, parechji misuri pà pruteghja si è pà impidiscia a crescita di a prisenza di i zinzali tigri, spezia particularmenti pessima è periculosa. Ssa zinzala, prisenti in Corsica Suprana dipoi u 2006 è in Corsica Suttana dipoi u 2007, si sparghji di più in più nant'à tuttu u tarritoriu, à tal puntu chì a ritruvemi oghji fin'è 800 metri d'altitudina. Una spezia à quali piaci particularmenti i balconi, i ghjardini, qualsiasi locu duva ci pò essa appena d'acqua, è assai periculosa parchì porta malatii com'è u Chikungunya o ancu a dengue. L'ARS hè incaricata di u seguitu di a culunisazioni è di l'aspetti di survighjenza di i casi umani è tutti i squadri cuncirnati travaghjani senza cappià pà impediscia qualsiasi sviluppu di i malatii ind'è noi.
Steti à senta à Guillaume Heuzé, ingeniori inde l'Agenza Righjunali di a Saluta di Corsica.
Sur le même sujet
