Moteurs de la centrale de Lucciana : le STC EDF vigilant
(A redazzioni d'Alta Frequenza) - Hè stata prumissa, i cintrali elettrichi di Corsica viaghjarani à u fuel lighjeru, è què aspittendu a ghjunta di u gaz nant'à l'isula. L'annunziu, aspittatu dipoi un pezzu, hè statu ufficializatu da u presidenti candidatu duranti a so visita in Aiacciu. Par avà, quissa quì ferma ind'u campu largu di l'annunzii eletturali è ci vularà ben intesa ad aspittà calchì settimana pà veda a guvernenza nova, s'ella ghjunghji, appughjà un annunziu chì ingaghja solu quillu chì l'hà purtata. A cintrali di Lucciana, hè stata ditta, principiarà da i so primi ori cù u fuel lighjeru, un cumbustibuli assai più caru cà u fuel pisivu è chì inghjinnarà un costu in più di 500 millioni d'€ pà u so funziunamentu. Un sola cosa hè sicura par avà : i mutori chì sò stallati oghji chì hè oghji in Lucciana sò bè mutori ditti 48/60 privisti pà u fuel pisivu ma pudendu viaghjà dopu trasfurmazioni cù fuel lighjeru o gaz. Una quistioni farà sempri matriculà l'uppunenti à u fuel pisivu : parchì chì ùn s'hè micca stallatu subbitu mutori 51/60 chì relevani elli di una tennulugia veradimenti fuel lighjeru/gaz ? A risposta da quì à calchì settimana, ciò chì faci chì u STC EDF faci di più in più casu.
Écoutez Jean Robert Mignucci
Sur le même sujet
